2 აპრილს, თბილისის პირველ სამედიცინო სასწავლებელში,გამომცემლობა „ინტელექტის“ წიგნების გამოფენა-გაყიდვა გაიმართა. ღონისძიება მიზნად ისახავდა ახალგაზრდებში კითხვით დაინტერესების გაზრდას და თანამედროვე ლიტერატურის პოპულარიზაციას.

სტუდენტებს საშუალება ჰქონდათ, გაცნობოდნენ „ინტელექტის“ მიერ გამოცემულ სხვადასხვა ჟანრის ნაწარმოებებს  და ესარგებლათ განსაკუთრებული, სტუდენტური ფასდაკლებებით. 

სასწავლებლის სტუდენტებისთვის მსგავსი გამოფენა-გაყიდვა ძალიან მნიშვნელოვანია , რადგან ისინი არა მხოლოდ აკადემიურ განათლებას იღებენ, არამედ ერთვებიან კულტურულ და ინტელექტუალურ ცხოვრებაში.

ღონისძიება გულთბილ და შთამაგონებელ ატმოსფეროში ჩატარდა და სტუდენტებს შორის დიდი ინტერესი გამოიწვია.